10,00€
BAT Soziolinguistika Aldizkaria 129, 2023 (4)
ISSN 2659-5176 / ISSN-L 1130-8435 | Lege gordailua: SS120/90
DOI: https://doi.org/10.55714/BAT-129.3
Artikulu honen helburua da diagnostiko soziolinguistikorako prozesu komunitarioei, datuen
inguruan sortzen diren diskurtsoei eta ondoriozko tokiko ekintzari buruz gogoeta egitea. Bereziki,
Kolonbiako hizkuntzen azterketa soziolinguistikoak ditu ardatz, 2007 eta 2020 urteen artean erakunde
indigenek eta gobernu erakundeek eginak, eta haiei buruz egiten da gogoeta egoera globalaren esparruan.
• Hitz gakoak: hizkuntza indigenak, biziberritze-prozesuak,ikerketa soziolinguistikoa.
PDF eta EPUB formatuetan eskaintzen da. , Russell Myers Ross
DOI: https://doi.org/10.55714/BAT-129.4
Nenqayni ch’ih (Tŝîlhqot’in) Kanadako Columbia Britaniarreko hizkuntza indigenen
artean bizitasun maila gorena daukan arren, desagertzeko arriskuan dago. Artikulu honetan
aurkezten den ikerketa kolaboratiboan metodologia indigenak (Tuhiwai Smith 1999) eta komunitatean
oinarritutako metodo parte-hartzaileak (Strand et al 2003; Etmanski eta al 2014) erabili dira Yuneŝit’inen
Nenqayni ch´i (Tegoera soziolinguistikoa eta hizkuntza biziberritzeko beharrak aztertzeko. Parte hartzaileen behaketa,
erdi-bideratutako solasaldiak, partekatutako zirkuluak eta dokumentuen analisia baliatu dira datuak
biltzeko. Artikuluan, analisi tematikoaren emaitzak aurkezten dira: hizkuntza-transmisioa eten egin da
eta hiztun kopurua gutxitzen doa. Hortaz, hiztunak sortzeko eta, aldi berean, ezagutza tradizionala
transmititzeko, kulturan oinarritzen diren eta belaunaldiz belaunaldiko transmisioa eta lurraldearekiko
harremana sustatzen duten murgiltze programak eta materialak beharrezkoak dira. • Hitz gakoak:
hizkuntzen biziberritzea, hizkuntza gutxituak, soziolinguistika, komunitatean oinarritutako ikerketa.
PDF eta EPUB formatuetan eskaintzen da. , Ibon Manterola Garate
DOI: https://doi.org/10.55714/BAT-129.6
Zein da zehazki Zumaiako haurren eta nerabeen sozializazioan euskarak duen lekua?
Berdin hitz egiten dute haiek eskola-esparruan eta eskolatik kanpo daudenean? Zein leku du euskarak
lagunekin kalean daudenean eta bestelako aisialdiko jardueretan? Zein da euskararen lekua haur horien
etxeetan? Eta loturarik ba ote da etxeko erabilera-ohituren eta haurren kaleko eta eskolako euskararen
erabileraren artean?
Zumaian bizi diren euskaradunen dentsitatea eta herriko kaleetan entzuten den euskararen erabilera
aintzat hartuta, esan daiteke Zumaia herri oso euskalduna dela. Testuinguru horretan egin da haurren
sozializazioan euskararen presentziaren inguruko ikerketa. Zehazki, Zumaiako HH5, LH4 eta LH6ko
haur eta nerabeen hizkuntzen erabileraren behaketa zuzena egin da alde batetik, eta, bestetik, nerabeek
eta euren gurasoek osatutako inkestaren bitartez jasotako datuak aztertu dira. Artikulu honetan, ikerketak
emaniko emaitza izan den diagnosiaren laburpena eskainiko da. • Hitz gakoak: euskara, aisialdia,
hizkuntzen erabilera, sozializazioa, hizkuntza-jarrerak.
PDF eta EPUB formatuetan eskaintzen da. 
