SOZIOLINGUISTIKA KLUSTERRA >

Produktua zure saskira gehitu da.

ISSN 2659-5176 / ISSN-L 1130-8435 / CC-BY-SA 4.0

Bat Soziolinguistika Aldizkaria

Azkeneko zenbakia

Txillardegi-Hausnartu sariak (2024)

10,00€

DOI: https://doi.org/10.55714/BAT-134 PDF eta EPUB formatuetan eskaintzen da.

Hitzaurrea

PDF formatuan eskaintzen da.
Erosi ()

Giza baliabideen kudeaketa euskararen normalizazioaren sektorean: talentua atxikitzea eta pertsonen motibazioari eustea (faktoreak, indarguneak eta erronkak)

DOI: https://doi.org/10.55714/BAT-134.1

Enpresa zuzendaritzaren eta giza baliabideen kudeaketa estrategikoaren teoriek argi adierazten dute langileen motibazioa, ezagutza eta jarrera gakoak direla erakundeek beren helburuak bete ditzaten. Euskararen normalizazioaren alde sektore publikoan zein sozialean lanean ari diren langileen motibazioari eta talentu-atxikimenduari erreparatzen die lan honek, langileen zaintzaren beharra azpimarratu eta motibazioan eragiten duten aldeko eta kontrako faktoreak argitara ateratzeko. Lanerako jasotako erantzunen arabera, hizkuntza-normalizazioa lortzeko lan egiten duten pertsona gehienek bokazioa eta lotura afektiboa sentitzen dituzte beren lanarekiko. Hala ere, langile kualifikatuei eusteko zenbait erronka ditu sektoreak. Gainera, mugimendu sozialaren eta erakunde publikoen artean zenbait desberdintasun antzematen dira. • Hitz gakoak: Giza baliabideak; motibazioa; talentua; euskara teknikariak; pertsonak.

PDF eta EPUB formatuetan eskaintzen da.
Erosi (3,00€)

Partaidetzazko lankidetzak hizkuntza-politiken eremuan: 2014- 2023 artean Gipuzkoako kasua aztergai

DOI: https://doi.org/10.55714/BAT-134.2

Demokrazia zein gobernantza terminoak geroz eta presentzia handiagoa hartzen ari diren garaiotan, Gipuzkoako hizkuntza politikaren baitan maila teorikoan gobernantza bidez antolatutako hiru ekimen aztertzea izan da lan honen helburua. Zehazki, lankidetzazko gobernantza ebaluatzeko hainbat autorek erabilitako neurgailuak oinarri hartuta eta proiektu hauetako protagonista diren ahotsen testigantzekin josita egin da analisia. Bide batez, sakontasun demokratikoaren eta demokratizazioaren ikuspegia aintzat hartuta, Gipuzkoako errealitate soziolinguistikoan edota hizkuntza politikan eragitea helburu duten hiru egitasmo hauen etorkizunerako indarguneak eta erronkak identifikatzeko saiakera egin da. • Hitz gakoak: Lankidetzazko gobernantza, hizkuntza-politika, sakontasun demokratikoa, euskalgintza, euskararen aldeko herri mugimendua

PDF eta EPUB formatuetan eskaintzen da.
Erosi (3,00€)

Durangaldeko 16-18 urte bitarteko gazteen euskararen erabilera arau sozialen zokoan

DOI: https://doi.org/10.55714/BAT-134.3

Euskal Herriak lur eremu handia ez badu ere, herri batetik bestera sortzen diren euskararen erabilera aldaketak nabarmenak dira. Egiaz, ikerketa honen xedea gazteen hizkuntzara hurbilketa bat egitea da. Horretarako, Durangaldeko 16 eta 18 urte bitarteko gazteen hizkuntza-praktikak aztergai izan dira, hain zuzen ere, Durangoko Ibaizabal Ikastolakoak eta San Jose Jesuitak Ikastetxekoak. Lehenengo, gazteen euskararen erabilera aitortua ezagutzeko, bi ikastetxeetako 376 gazteek galdetegi bat erantzun dute. Ondoren, behaketa etnografikoa eginda, hiztunek hizkuntza zein unetan erabiltzen duten identifikatu ahal izan da. Azkenik, lau eztabaida-talde bideratu dira, hezkuntza zentro bakoitzean bi talde. Horiekin guztiekin, gazteen gogoeta eta iritzietatik abiatuta, euskararen egoera arau sozialen zokoan aztertu da. • Hitz gakoak: Durangaldea, euskara, euskararen erabilera, gazteak.

PDF eta EPUB formatuetan eskaintzen da.
Erosi (3,00€)

Herria Harro. Emozioen garrantzia euskal kulturaren transmisioan: 23. Korrikaren kasua

DOI: https://doi.org/10.55714/BAT-134.4

Lan honetan emozioek hizkuntza minorizatuen aldeko mugimenduetan duten eragina ikertu da, horretarako Korrikaren 23. edizioaren kasu-azterketan zentratuta. Lasterketa herrikoian emozioek duten presentzia aztertu da, bide desberdinak jarraituz: 952 lagunek erantzundako inkesta, antolatzaile eta parte-hartzaileei eginiko elkarrizketak, lasterketak iraun zuen bitartean furgoneta barrutik eginiko behaketa eta horren inguruan sortutako lan dibulgatiboen lanketa. Horrez gain, Korrikaren bilakaera ere aztertu da hein txikiago batean. Landa-lan horren emaitzek erakusten dute emozioen presentzia ekimenaren aurretik, bitartean eta ostean ageri dela eta hori sinbolo desberdinen bitartez erakusten da lasterketan zehar. Ondoriozta daiteke, Korrikak indar emozional handia duela eta horregatik eta bere baitan dituen sinbolo, elementu eta mekanismo tradizionalengatik dela hain arrakastatsua gaur egun. • Hitz gakoak: Korrika, emozioak, kolektibitatea, sinbologia, euskara.

PDF eta EPUB formatuetan eskaintzen da.
Erosi (3,00€)

Bernat Etxepare lizeoa, etorkizuneko euskal animatzaileen harrobia Ipar Euskal Herrian

DOI: https://doi.org/10.55714/BAT-134.5

Lan honek Seaska elkarteko Bernat Etxepare lizeoko Lanbide Heziketako Animazio saila izan du ikergai. Animazio saileko hezkuntza programa, ikasleen hizkuntza-praktikak eta kontzientzia linguistikoaren egoera aztertu nahi izan dira besteak beste. Horretarako, Seaskako euskara teknikari bat, lizeoko bi irakasle eta Animazioko formakuntza bukatzear zeuden bost ikasle elkarrizketatu dira. Hortik, Ipar Euskal Herrian euskararen biziberritze eta normalizaziorako estrategietan oinarrituz, hizkuntza- politika ausartagoak beharko liratekeela ondorioztatu da eta Animazioko hezkuntza programan, euskararen normalizazioa sustatzeko txertatu daitezkeen gai ezberdinak proposatu dira. • Hitz gakoak: Euskal lanbide heziketa, kontzientzia linguistikoa, praktika-komunitateak, hizkuntza-politika, lan-eremuaren euskalduntzea, hezkuntza programa.

PDF eta EPUB formatuetan eskaintzen da.
Erosi (3,00€)

→
Bat aldizkarian argitaratu nahi?

Bat aldizkarian argitaratu nahi?
Euskal soziolinguistikaren eremuko ikerketa edo hausnarketa lanak euskararen biziberritzean lanean diharduten elkarte, langile, teknikari eta arduradunen komunitatean hedatzeko aukera duzu. Argitaratu