10,00€
BAT Soziolinguistika Aldizkaria 128, 2023 (3)
ISSN 2659-5176 / ISSN-L 1130-8435 | Lege gordailua: SS120/90
, Jasone Mendizabal Altuna
DOI: https://doi.org/10.55714/BAT-128.1
Laburpena. Euskaltzaleen Topaguneak III. Kongresua burutu du Aldaketaren Teorian oinarrituta. Artikulu
honetan, Topaguneak sortu zenetik gaur egun arte egin duen ibilbidea aztertzen da: zein izan
diren bere jardueraren ardatzak eta denboran zehar zer nolako bilakaera izan duten. Bestalde, aurreko bi
kongresuek suposatu zuten aldaketaren berri ematen da eta ezarri zituzten jarduerarako oinarriak aintzat
harturik egindako bidearen balorazio bat egiten da, etorkizunera begira mugimenduak dituen erronka
nagusienak identifikatuz. • Hitz gakoak: Topagunea, Kongresua, Oinarriparrak, Euskara Elkarteak.
PDF eta EPUB formatuetan eskaintzen da. , Iñigo Retolaza Eguren
DOI: https://doi.org/10.55714/BAT-128.2
Artikulu honen helburua Batera Jauzi elkarrizketa prozesuko ikaskuntza metodologikoak
azaltzea eta sintetizatzea da. Hau da, prozesua diseinatzeko eta errazteko erabili dugun logika zehazten
du, eta ikaskuntza esanguratsuenak azaltzen ditu. Lehenik eta behin, prozesua abiatzeko Euskaltzaleen
Topagunearen arrazoiak eta euskararen egungo egoerari buruzko irakurketa jasotzen ditugu. Jarraian,
erabilitako metodoari zentzua ematen dion marko teorikoa azaltzen dugu. Horren ondoren, marko metodologikoaren
osagai nagusietan sakontzen dugu: Aldaketaren Teoria, aldaketaren dimentsioak, premisa
metodologikoak, taldearen osaera, egitura eta prozesu osoaren gobernantza-sistema. Amaitzeko, azken
atalean antzeko izaera duten elkarrizketa-prozesuak aurrera eramateko garrantzitsutzat jo ditugun
ikaskuntzak jasotzen ditugu. • Hitz gakoak: Aldaketa Teoria, elkarrizketa, euskararen erabilera, justizia
epistemikoa, Batera Jauzi.
PDF eta EPUB formatuetan eskaintzen da. , Arrate Illaro Etxebarria
DOI: https://doi.org/10.55714/BAT-128.3
Euskaralditik abiatu dugu artikulu honetan jaso dugun irakurketa, baina ez gara Euskaraldiaz
arituko. Ekimenetik ikasi dugunaren arabera, euskararen normalizazioan paradigma aldaketarako
gako izan daitezkeen zenbait aldagai bildu nahi izan ditugu. Hala nola, herritarren hezkuntza
soziolinguistikoa antolatu eta bideratzea, arau sozialetan eragiten jarraitzea, mota guztietako entitateak
inplikatzea eta parte egitea, hiztunen gaitasunari erreparatzea, erabaki partekatuetan oinarritutako lankidetza
indartzea, zein aldeko jarrerak eta atxikimendua euskarazko portaera bihurtzeko ekimenak gauzatzea.
Euskaraldiak bestelako lankidetza eta ekimenetarako baliagarriak izan daitezkeen irakaspenak
eman dizkigu; balia ditzagun, ekimen honetatik harago, pauso berriak emateko. • Hitz gakoak: Euskaraldia,
kultura soziolinguistikoa, lankidetza, arau sozialak.
PDF eta EPUB formatuetan eskaintzen da.
DOI: https://doi.org/10.55714/BAT-128.5
Euskara elkarteen gaineko tesia egiten ari nintzela, Tximintx elkartean hausnarketa prozesu
bati ekin genion eta, tarteka, tesian ateratako ondorio batzuk txertatu genituen prozesu horretan.
Abiatzeko dena prest genuenean, pandemia etorri eta prozesua hankaz gora jarri zen. Orduan, Tximintxek
beste batzuekin batera Marikobaso izeneko espazioa sortu zuen Derion. Kontakizun honetan,
tesitik abiatuta Marikobasoren lehen urteko ibilbidea marrazten da, kontuan hartuta hausnarketa prozesuak
zer isla izan duen errealitatean. Elkartegintza prozesu arin batek zer bilakaerak, moldaketak eta
ebaki-puntuak izan dituen aztertzen da, auto-etnografiatik gertuko ikuspuntu batetik. • Hitz gakoak:
Euskara elkarteak, euskalgintza, auto-etnografia, mugimendu soziala.
PDF eta EPUB formatuetan eskaintzen da. , Asier Basurto Arruti, Paula Laita Pallares
DOI: https://doi.org/10.55714/BAT-128.6
Migrazio-prozesu bortitza gertatu zen Altzan XX mendeko erdialdetik aurrera. Bertako
hizkuntza hegemonikoa, gaztelania, hitz egiten zuten etorkinek demografikoki erabat gainditu zuten
jatorrizko euskal hizkuntza-komunitatea. Prozesu horretan, zein izan ziren etorkinek egin zuten integrazio
sozialaren ezaugarriak eta euskarari dagokion integrazio soziolinguistikoaren nolakotasunak?
Eta nola bizi izan zuten bertako euskaldunek immigrazioren integrazio-prozesu hori? Artikulu honetan,
galdera horiei erantzuteko egindako ikerketaren emaitza nagusiak aurkeztuko dira, azpimarratzeko integrazio
soziolinguistiko arrakastatsua norabide biko prozesua dela, eta ezinbestekoa dela etorkinen eta
harrera-gizarteko biztanleen arteko harremanak aktibatzea, garatzea eta sendotzea, sor daitezkeen elkar
ukitzen ez duten bi munduen arteko zubiak eraikitzeko. • Hitz gakoak: immigrazioa, euskara, integrazio
soziolinguistikoa, identitatea.
PDF eta EPUB formatuetan eskaintzen da. , Unai Ormaetxea-Jauregi
DOI: https://doi.org/10.55714/BAT-128.7
Artikuluan euskal kulturgintzaren transmisioa unibertsitate mailan nola bidera litekeen
hausnartzen da. Zehazki, auzia zertan den azaldu ostean, HUHEZIN (Mondragon Unibertsitatea) hezkuntza
graduetako ikasleekin diseinatu den prototipoa deskribatzen da. Horrela, hezkuntzan lan egingo
duten irakaslegai diren 2. mailako ikasleei zuzenduriko bi modulutan, Ni,zu, gu. Gorputzak gara eta Eskola
eta gizartea deituriko moduluetan, euskal kulturgintzaren lanketa nola prototipatzen den azaltzen da.
Artikulua interesgarria izan liteke euskal kulturgintzaren transmisioa eskola eremuan garatzeko interesa
duten irakasle eta hizkuntza normalkuntza-teknikarientzat. • Hitz gakoak: Euskal kulturgintzaren
transmisioa, unibertsitatea, hezkuntza berrikuntza.
PDF eta EPUB formatuetan eskaintzen da. 
