Hitzaurrea

33 aldiz deskargatu da.

Euskara, adimen artifiziala eta arimen naturala

DOI: https://doi.org/10.55714/BAT-133.1

Aipatu artikulu hau

Adimen Artifizialaren eta zehatzago, Hizkuntza-Teknologiaren bilakaeraz eta gaur egungo egoeraz dihardu artikuluak. Helduarora iritsi dira, irismen handia dute eta presente daude nonahi geure bizimoduan. Teknologia horren oinarriak, ezaugarriak eta erabiltzeko moduak deskribatuta, ikusi da nola eragiten ahal dien geure harremanei, lan egiteko moduei, eskubideei eta garapen sozioekonomikoari, eta, batez ere, ikusi da nola eragin diezaiokeen euskararen erabilerari. Herri-estrategia baten alde egin da, eta bide propio horren ezaugarri eta osagai batzuk zehaztu dira. Soziolinguistikaren ikuspegitik, kalitate oneko teknologia euskaraz erabilgarri izatea zein garrantzitsua den azpimarratu da. Adimen artifizialaren laguntzaz, euskaraz eroso aritzeko gai izatea da helburua. Euskaraz aritzeko gaitasuna, hau da, aldrebeskeriarako lizentzia hartuta, arimena. Hortik dator izenburua. • Hitz gakoak: Euskara, adimen artifiziala, hizkuntza-teknologia, soziolinguistika.

Eskuragarri dauden Deskargak:

4 aldiz deskargatu da.

Politika publiko digitalak euskararen biziberritze-aro berria bultzatzeko

DOI: https://doi.org/10.55714/BAT-133.2

Aipatu artikulu hau

Eraldaketa global sakoneko garaiak eta aldaketak bizi ditugu eta euskararen biziberritzearen prozesuan zuzenean talka egiten ari dira; areago, geroz eta indar handiagoz egingo dutela ere, aurrera daiteke. Gure balio-sistema eta komunitate-sena erreproduzitzeko orain arte nagusi izan diren gizarte-interakzio, sozializazio- eta komunikazio-paradigmak eraldatzen ari dira nabarmen. Beraz, paradigma eta eraldaketa globalen garaia, adimen artifizialaren azken eztanda, justuki, euskararen biziberritze-prozesuaren geldotze-fase garaiotan datorkigu, eta arrisku handiak dakartza geldotze- fasearen kasuak erreproduzitu eta anplifikatzeko gai izan daitezkeelako. Aitzitik, adimen artifizialaren eta digitalizazioaren eztandak aukerak eta orain arte pentsaezinak ziren esku-hartze-paradigma berriak ekar ditzake. Geldotze-fase betean eta teknologiaren disrupzio berrien aurrean, erreakzio-egitura sendoak eratu eta eraiki beharrean gaude ezinbestean. Erreakzio horri bultzada emateko politika publiko digitalak euskarri garrantzitsuak izan daitezke. • Hitz gakoak: Euskara, adimen artifiziala, eredu neuronala, hizkuntzaren biziberritze-prozesua.

Eskuragarri dauden Deskargak:

4 aldiz deskargatu da.

Itzulinguru proiektua. Itzultzaile neuronalen eragina euskararen erabileran

DOI: https://doi.org/10.55714/BAT-133.3

Aipatu artikulu hau

Itzulinguru ikerketa proiektuak itzultzaile neuronalek (IN) euskara biziberritzeari egin ahal dizkioten ekarpenak aztertu ditu. Ikerketan hogeita bost eragilerekin osatu zen sare bat, guztiek esku-hartze esperimentalak egin zituzten bere jarduera-arloan eta, ondoren, haietan ikasitakoak gogoeta- saioetan partekatu zituzten. Artikulu honetan ikerketaren abiapuntua eta garapenaz gain, esku-hartzeetan ikasitakoak aurkezten ditugu: testugintzaren eraldaketak, testu-zainketa integrala, hizkuntza- -ideologien eraginak, gaitasun tekno-linguistikoen birdefinizioa, eta, funtsean, disposizio psikosozial eta dispositibo tekno-estrukturalak egoki artikulatzearen garrantzia teknologia ahalduntzaileak sortze aldera. • Hitz gakoak: Itzultzaile Neuronalen tentsioak eta aukerak, esperientzia-sarea, jarduera-sistema, esku-hartze esperimentalak, euskararen digitalizazioa.

Eskuragarri dauden Deskargak:

2 aldiz deskargatu da.

Bortzirietako bilakaera soziolinguistikoa aztergai Euskara Mankomunitatearen plan estrategiko berriaren atarian

DOI: https://doi.org/10.55714/BAT-133.4

Aipatu artikulu hau

Artikulu honen xedea da Bortzirietako bilakaera soziolinguistikoaren azterketa egitea, Bortzirietako Euskara Mankomunitatearen III. Plan Estrategikoa lantzen hasiko garen honetan. Horrez gain, Nafarroako udalerri euskaldunentzat erabilgarria izaten ahal den diagnostiko eredu edo marko bat proposatu nahi dugu. Euskararen Adierazle Sistemaren eskemari jarraiki, honako gai hauek landuko ditugu: datu soziodemografikoak, euskara gaitasuna, lehen hizkuntza, hezkuntzako hizkuntza ereduak, helduen euskalduntze-alfabetatzea, euskararen erabilera, eta euskara sustatzeari buruzko jarrerak. Ikerketa edo adierazle aldetik ditugun hutsune eta beharrak azaleratuko ditugu, eta, ondorioetan, azterketaren emaitzek iradokitzen dituzten lehentasun edo eragin eremuak aipatuko ditugu, plan estrategiko berria osatzera goazenean aintzat hartzeko. • Hitz gakoak: Egoera soziolinguistikoa, bilakaera, Bortziriak, adierazleak, diagnostikoa, lehentasunak.

Eskuragarri dauden Deskargak:

2 aldiz deskargatu da.

Osasun arreta euskaraz jasotzeari buruzko pertzepzioen ebaluazioa EHUko Medikuntza graduan

DOI: https://doi.org/10.55714/BAT-133.5

Aipatu artikulu hau

Artikulu honetan osasun arreta euskaraz jasotzeari buruzko pertzepzioa aztertzen da Euskal Herriko Unibertsitateko (EHU) medikuntza ikasleen artean, eta osasun arreta kalitateari nola lotzen zaion, Galesen garaturiko ikerketa batean oinarrituz sortutako berariazko galdetegi baten bitartez. Galdetegia egokia dela ondorioztatzen da, eta etorkizunean azterketa zabalago bat egiteko aukera ahalbidetzen duela, Euskal Herriko herri ezberdinetan metodologia berdina erabiliz.• Hitz gakoak: osasun arreta, lehentasunezko hizkuntza, kalitatea, eskaintza aktiboa, hizkuntza kontzientzia.

Eskuragarri dauden Deskargak:

2 aldiz deskargatu da.

Zer den (esaten) eta zer ez. Begiratu labur bat euskararen ideologiari

DOI: https://doi.org/10.55714/BAT-133.6

Aipatu artikulu hau

Artikulu honetako ideiak Renoko Unibertsitateko Euskal Ikasketen Zentroak argitaratutako liburu batean garatutako lanean oinarritzen dira. Liburua Things that are (said) and things that are not: a brief look at the ideological context of the Basque language da (Anabitarte 2022). Lan horretan, hizkuntza jokabideak eta, beraz, hizkuntzaren psikologia testuinguru ideologikoan kokatzea izan da helburua. Ideologiak sinesmen eta balio multzo koherente eta egonkor baten gisan hartu ordez, testuinguru ideologikoa erretorikoa dela argudiatzen da, eta euskararen testuinguruan ematen diren hainbat argudio eta kontra-argudio erretoriko seinalatzen dira. • Hitz gakoak: euskara, hizkuntza, ideologia, psikologia, erretorika.

Eskuragarri dauden Deskargak:

3 aldiz deskargatu da.

Zenbakia

Adimen artifiziala eta euskara

Hitzaurrea

Belen Uranga Arakistain

Euskara, adimen artifiziala eta arimen naturala

Xabier Arregi Iparragirre

Politika publiko digitalak euskararen biziberritze-aro berria bultzatzeko

Josu Aztiria Urtaran

Itzulinguru proiektua. Itzultzaile neuronalen eragina euskararen erabileran

Eduardo Apodaka Ostaikoetxea

Asier Amezaga Etxebarria

Asier Basurto Arruti

Bortzirietako bilakaera soziolinguistikoa aztergai Euskara Mankomunitatearen plan estrategiko berriaren atarian

Urko Ikardo Enparan

Osasun arreta euskaraz jasotzeari buruzko pertzepzioen ebaluazioa EHUko Medikuntza graduan

Itxasne Etxaniz Etxaburu

Aitor Montes Lasarte

Izaskun Elezgarai

Maisie Edwards

Alwena Morgan

Jon Zarate Sesma

Zer den (esaten) eta zer ez. Begiratu labur bat euskararen ideologiari

Naroa Anabitarte

Zenbakia

Adimen artifiziala eta euskara

Hitzaurrea

Belen Uranga Arakistain

Euskara, adimen artifiziala eta arimen naturala

Xabier Arregi Iparragirre

Politika publiko digitalak euskararen biziberritze-aro berria bultzatzeko

Josu Aztiria Urtaran

Itzulinguru proiektua. Itzultzaile neuronalen eragina euskararen erabileran

Eduardo Apodaka Ostaikoetxea

Asier Amezaga Etxebarria

Asier Basurto Arruti

Bortzirietako bilakaera soziolinguistikoa aztergai Euskara Mankomunitatearen plan estrategiko berriaren atarian

Urko Ikardo Enparan

Osasun arreta euskaraz jasotzeari buruzko pertzepzioen ebaluazioa EHUko Medikuntza graduan

Itxasne Etxaniz Etxaburu

Aitor Montes Lasarte

Izaskun Elezgarai

Maisie Edwards

Alwena Morgan

Jon Zarate Sesma

Zer den (esaten) eta zer ez. Begiratu labur bat euskararen ideologiari

Naroa Anabitarte

Bat aldizkarian argitaratu nahi?