SOZIOLINGUISTIKA KLUSTERRA >

Produktua zure saskira gehitu da.
ISSN 2659-5176 / ISSN-L 1130-8435 / CC-BY-SA 4.0

Aldizkariari buruz

Bat Soziolinguistika Aldizkaria euskaraz argitaratzen den ikerketa  soziolinguistikaren aldizkari zientifikoa da. Bere helburua euskararen biziberritze-prozesuaren inguruko ezagutza zientifikoa hedatzea da.

Aldizkariaren xede-taldea euskal soziolinguistika esparruan lanean ari diren ikertzaileak, unibertsitateko irakasle zein ikasle izan, eta euskara biziberritzeko prozesuan inplikatuta dauden agente guztiak, hala nora, Herri Administrazioko esparru desberdinetako teknikariak eta hizkuntza-politikako ardura publikoa duten guztiak. Era berean BAT aldizkarian argitaratzen diren lanek interesa piztuko dute nazioarteko hizkuntza biziberritze-prozesuetan inplikatuta dauden gainerako hizkuntza-komunitateetako ikertzaileak eta eragileak, eta, modu zabalagoan soziolinguistika esparruan interesa duten gainerako ikertzaileak. Azkenik, euskararen normalizazioan murgilduta dagoen gizarte osoak ere badu interesa BAT Soziolinguistika Aldizkarian argitaratzen diren artikuluetan.

Aldizkaria Euskal Kulturaren Batzarrak (EKB) sortu zuen 1990. urtean; eta sortze-prozesu horretan inplikazio zuzena izan zuen Jose Luis Enparantza Txillardegik.

Aldizkariak urtero hiru zenbaki emango ditu argitara 2025. urtetik aurrera, lau hilabeteko maiztasunarekin, soziolinguistikaren eremuan Euskal Herrian zein atzerrian landutako eredu teorikoak, esperientziak eta erreferentziak eskainiz. (2024. urte bitartean lau zenbaki eman ditu urtero).

Soziolinguistika Klusterra euskara biziberritzeko ikerguneak argitaratzen du BAT Soziolinguistika Aldizkaria 2004. urtetik aurrera paperean eta 2020. urtetik aurrera, baita aldizkari digital modura ere.

Gure nazio-hizkuntza berriro Euskal Herriaren mintzabide eta oinarri bihurtuko bada, beraz, bi gauza lortu behar ditugu; eta lorpen horretan laguntzekotan sortu da eskuetan duzun aldizkari hau. Bata, hizkuntzaren alorreko fenomenoak ahalik eta ongienik ezagutzea. Lehendabizi jakin egin behar da, egia ezagutu behar da albait zehazkienik; beste herrietako saioak, arrakastak eta porrotak aztertu behar dira. Bestea, berriz, hizkuntza pizkundean herria bera interesatu gabe, soluziorik ez dagoela sinetsi eta sinestarazi behar dugu. Herriak ez badu nahi, herriak ez badu nazio-hizkuntzaren arazoa bere gain hartzen, jai dago.

J.L. Alvarez Enparantza “Txillardegi” Aldizkariaren sortzailea
(BAT aldizkaria. 1. Zenbakia. 1990eko otsaila)

IDAZKETA KONTSEILUA

ZUZENDARIA ETA ALDIZKARIAREN ARDURADUN ZIENTIFIKOA

IDAZKARIA ETA EDIZIOAREN KOORDINATZAILEA

IDAZKETA KONTSEILUKO KIDEAK

  • Nekane Arratibel . Humanitate eta Hezkuntza Zientzien Fakultatea – Mondragon Unibertsitatea
  • Beñat Garaio . Ikertzaile independientea
  • Eneko Gorri. Miarritzeko Herriko Etxea. Ikertzaile independentea
  • Jone Miren Hernández. UPV/EHU Universidad del País Vasco / Euskal Herriko Unibertsitatea
  • Lionel Joly. Euskaltzaindia. Real Academia de la Lengua Vasca. Académie de la langue basque. Academy of the basque language.
  • Paula Kasares. Universidad Pública de Navarra  – Nafarroako Unibertsitate Publikoa
  • Iñaki Martínez de Luna. UPV/EHU Universidad del País Vasco / Euskal Herriko Unibertsitatea
  • Inma Muñoa. Euskal Herriko Ikastolen Kondeferazioa. Ikastolen Elkartea.
  • Maria-Jose Azurmendi (UPV-EHUko katedraduna) EMERITOA

DISEINU GRAFIKOA ETA MAKETAZIOA:

HARREMANETARAKO

Bat aldizkariaren kide izandakoak

Zuzendariak: Jose Luis Alvarez Enparantza “Txillardegi” (1989-2000) eta Maria-Jose Azurmendi Ayerbe (2001-2006), Iñaki Martínez de Luna (2013-2022).

Batzordekideak: Jon Abril, Paulo Agirrebaltzategi, Brixi Arrue, Maria-Jose Azurmendi Ayerbe, Imanol Esnaola, Xabier Falcon, Joxe Jabier Iñigo, Xabier Isasi, Jose Inazio Marko, Joxe Manuel Odriozola, Joseba Zinkunegi, Pablo Suberbiola, Carlos Vilches, Jean-Baptiste Coyos eta Pablo Sotés.

Koordinatzaileak: Begoña Etxeberria (1991-1992), J. Inazio Marko (1995-1999), Joseba Zinkunegi (1996-1997), Jon Abril (1998), Imanol Esnaola (1999-2003), Larraitz Garmendia (2003-2007), Lionel Joly (2007-2008).

ALDIZKARIAREN kode ETIKOA ZIURTATZEKO PROTOKOLOA

  • Bat Soziolinguistika Aldizkaria euskaraz argitaratzen den soziolinguistika ikerketak aldizkari zientifikoa da. Bere helburua euskararen biziberritze-prozesuaren inguruko ezagutza zientifikoa hedatzea da.
  • BAT Soziolinguistika Aldizkaria Soziolinguistika Klusterra euskara biziberritzeko ikerguneak argitaratzen du.
  • BAT Soziolinguistika Aldizkariak argitaratutako dituen artikuluen etika eta kalitatea bermatzeko konpromisoa hartu du, COPE Batzordeak (Code of Conduct and Best Practices Guidelines for Journals Editors) proposatutako Aldizkarien Editoreentzako Jardunbide Egokien Jokabide Etikoaren eta Jarraibideen arabera.

IDAZKETA KONTSEILUAREN BETEBEHARRAK

BAT Soziolinguistika Aldizkaria Idazketa-kontseilu batek kudeatzen du. Kontseilu horretan parte hartzen dute zuzendariak, idazkariak eta kontseiluko gainerako kideek, bakoitzak bere eginkizun espezifikoak dituelarik. Talde horiek arloko aditu aitortuz osatua dago, eta euren izenak, afiliazioak eta harremanetarako helbide elektronikoak aldizkariaren webgunean ikus daitezke..

  • Soziolinguistika Klusterraren eta BAT aldizkariko Idazketa-kontseiluaren artean (zuzendaria, idazkaria eta gainerako kideak) dagoen harremana independentzia editorialaren printzipioan oinarritzen da. Idazketa-kontseiluak zehazten du zein artikulu jarriko den argitaratzeko behar den protokoloan, beharrezko diren haien kalitatearen eta egokitasunaren arabera.
  • BAT Soziolinguistika Aldizkariak jasotako artikulua onartzea edo ukatzea erabakiko du honako irizpide hauen arabera: aldizkariaren helburuekin bat egitea, artikuluaren edo ekarpenaren garrantzia, azterketaren baliozkotasuna, originaltasuna, zientifikotasuna eta argitasuna. Era berean, artikuluak ebaluatzean, eduki intelektualari erreparatuko dio, edozein direla ere egileen arraza, generoa, sexu-orientazioa, erlijioa, jatorri etnikoa, herritartasuna edo filosofia politikoa.
  • Idazketa-kontseilua inpartziala da aurkeztutako lanak tratatzerakoan eta egilearen burujabetza intelektuala errespetatuko du.
  • Idazketa-kontseiluak zuzenean baztertu ditzake jasotako lanak, kanpoko berrikuspen prozesu batera jo gabe, baldin eta desegokitzat jotzen baditu eskatutako kalitate-maila betetzen ez dutelako, aldizkarien helburu zientifiko edo editorialekin bat ez datozelako edo praktika txarren frogak aurkezten badituzte.
  • PAREKIDEEN BERRIKUSPENA (Peer-reviewed)
  • BAT Soziolinguistika Aldizkariak jasotako artikuluak gutxienez kanpoko bi adituk ebaluatzen dituzte, aldizkariaren webgunean azaltzen den moduan. Itsu bikoitzeko prozedurak (peer reviewed) berrikuspenaren objektibotasuna bermatzen du.
  • Ebaluazio horiek egin ondoren, eta behar diren zuzenketak egin eta gero Idazketa-kontseiluko zuzendari eta arduradun zientifikoak, gainerako kideen aholkuak kontuan izanda, artikulua argitaratzeko azken erabakia hartzen du.
  • Idazketa-kontseiluak konpromisoa hartu du hautatutako ebaluatzaileak egokiak direla eta lanak epaitzeko gai direla ziurtatzeko, egileekin interes lehiatu gabe. Berrikusleek interes-gatazka potentzialak deklaratzea eta aztertzen duten ikerketa isilpekotzat tratatzea espero da argitaratu arte. Prozesuan sortzen den informazio osoa konfidentzialtasunez erabiliko da.

EGILEARI DAGOZKION BETEBEHARRAK

  • Aldizkarian argiratzeko idazketa-irizpideak jarraituko ditu artikulua erredakzio-taldeari igorri aurretik.
  • Artikulua jatorrizko ikerketan edota gogoeta-ikerketan oinarrituko da, eta lan horren azalpen zehatzak aurkeztuko ditu.
  • Artikuluaren oinarria den ikerketan nabarmen lagundu duten kide guztiei berariazko aitortza egin behar da artikuluan bertan.
  • Egileek ziurtatu behar dute aurkeztu dituzten artikuluak originalak direla eta besteen hitzak erabiltzen badituzte, erreferentzien edo aipuen bidez, modu egokian egingo dutela.
  • Egileek ez dute aldizkari batean baino gehiagotan argitaratuko eduki bereko artikuluak. Nolanahi ere, erredakzio-taldearekin adostuta onartu daitezke jatorrizko lan baten itzulpena, aldizkariaren helburuekin bat datozen kasuetan.
  • Artikuluaren oinarria den ikerketa egiteko jasotako edozein dirulaguntza adieraziko du artikuluan bertan.

ARGITALPENAREN HOBETZE ETENGABEA ETA KODE ETIKOA

  • BAT Soziolinguistika Aldizkaria irakurleen eta egileen beharrei erantzuten eta argitalpenak etengabe hobetzen ahalegintzen da. Argitaratutako materialen kalitatea bermatzeko prozesuak ditu eta adierazpen askatasuna eta eduki akademikoen osotasuna bermatzen ditu eta hirugarrenen edo korporazio-interesek bere estandar etiko eta intelektualak arriskuan jar ditzaten eragozten dute.
  • Arrazoizko neurriak hartuko dira ikerketa-jokabide okerrekin lotutako artikuluak identifikatu eta saihesteko. BAT Soziolinguistika Aldizkaria praktika okerren salaketen berri izanez gero, neurri egokiak hartuko dira COPEren jarraibideen arabera. Beharrezkoa denean, zuzenketak, argibideak, atzerapenak edota barkamenak argitaratuko dira.

LIZENTZIA ETA SARBIDEA

  • Lizentzien informazioa argi deskribatzen da aldizkariaren webgunean. Horrez gain, aldizkarira eta banakako artikuluetara nola atzitu deskribatzen du.
  • Aldizkaria Creative Commons Aitortu-PartekatuBerdin 4.0 Nazioartekoa (CC-BY-SA 4.0) lizentziapean zabaltzen da. Lizentziaren kopia bat ikusteko, bisitatu http://creativecommons.org/licenses/by-sa/4.0

JABETZA ETA KUDEAKETA

  • BAT Soziolinguistika Aldizkariaren jabetzari eta kudeaketari buruzko informazioa argi adierazten da aldizkariaren webgunean. BAT Soziolinguistika Aldizkariak ez ditu egile eta editore potentzialak aldizkariaren jabearen izaeraz engainatzen dituzten izenik erabiltzen.

WEBGUNEA

  • Estandar etiko eta profesional altuak bermatuta daude BAT Soziolinguistika Aldizkariaren webgunea eta bere edukia mantentzean.

ARGITALPEN-EGUTEGIA

  • BAT Soziolinguistika Aldizkariaren hiru zenbaki argitaratuko dira urtero 2025. urtetik aurrera, lau hilabeteko maiztasunarekin. Paperezko formatuan eta sarean eskuragarri dago, PDF eta e-pub formatuan.

ALDIZKARIAREN IZENA

    • BAT Soziolinguistika Aldizkariaren izena berezia da eta ezin da erraz nahasi lehendik dagoen edozein aldizkariren izenarekin, eta ez ditu nahasiko balizko egile eta irakurleak aldizkariaren jatorriaz edo beste aldizkari batzuekin duten loturaz.

Aldizkaria Creative Commons Aitortu-PartekatuBerdin 4.0 Nazioartekoa (CC-BY-SA 4.0) lizentziapean zabaltzen da. Lizentziaren kopia bat ikusteko, bisitatu http://creativecommons.org/licenses/by-sa/4.0

Honakoak egin ditzakezu:

  1. Partekatu — partekatu, kopiatu eta birbanatu edozein bitarteko edo formatutan
  2. Moldatu — nahasi, eraldatu eta horretan oinarrituz sortu
  3. Lizentzia-emaileak ezin ditu askatasun horiek atzera bota, lizentziako baldintzak betetzen dituzun bitartean.

Honako baldintzen arabera:

  1. Aitortu — Aitortza egokia egin behar duzu , lizentziaren esteka eman behar duzu eta aldaketak egin diren adierazi behar duzu. Zentzuzko edozein modutan egin dezakezu hori, baina ez duzu aditzera eman behar lizentzia-emaileak zu edo zure erabilera onesten duenik.
  2. EzKomertziala — Materiala ezin duzu erabili merkataritza-xedeetarako .
  3. PartekatuBerdin — Materiala nahasten, eraldatzen eta horretan oinarrituz sortzen baduzu, jatorrizkoaren lizentzia berarekin banatu beharko dituzu zure ekarpenak.
  4. Ez dago murrizketa gehigarririk — Ezin duzu lege-baldintzarik edo neurri teknologikorik aplikatu, baldin eta lizentziak baimentzen duen zerbait legez murrizten badiete gainerakoei.

Oharrak:

Ez duzu lizentzia hau bete behar domeinu publikoan dagoen materialaren elementuen kasuan, ezta zuk egiten duzun erabilera salbuespen edo muga aplikagarri batek baimentzen duenean.

Ez da bermerik ematen. Lizentziak ez dizkizu nahitaez ematen zuk nahi duzun erabilerarako behar diren baimen guztiak. Adibidez, publizitate-eskubideak, pribatutasun-eskubideak, eskubide moralek eta beste eskubide batzuek materiala nola erabiltzen duzun muga dezakete.

ISSN 2659-5176

ISSN-L 1130-8435

Lege gordailua SS120/90

Euskal komunitate zientifiko-intelektualaren datu-basea da. Bertan, azken 50 urteotan unibertsitate mailako zientzia eta jakintza-alor bakoitzean euskaraz ahoz eta idatziz ekoitzi denari buruzko oinarrizko informazioa eskaintzen da; euskaraz zer egin den eta nork egin duen azaltzen duen aipu laburra, alegia. Ingumaren helburua euskara batuaren arauak finkatzen hasi zirenetik gaurdainoko produkzio zientifiko-intelektual osoa jasotzea izan da (unibertsitatea mailakoa eta euskaraz).

Dialnet munduko atari bibliografiko handienetako bat da, batez ere giza zientzietan, zientzia juridikoetan eta gizarte-zientzietan oinarritua. Dialnet funtsezko tresna da kalitatezko informazioa bilatzeko.

Aldizkariak, bere Argitalpen Batzordearen bidez, preserbazio digitaleko metodoak ezarri ditu, artxiboko dokumentu elektronikoen eduki intelektuala denbora luzez bermatzeko, eta argitaratutako informazio-baliabide ofizial bakoitzaren osotasuna, benetakotasuna, aldaezintasuna, originaltasuna, fidagarritasuna eta eskuragarritasuna mantenduz.

BAT aldizkariak preserbazio digitala bere kudeaketa editorialaren barruan diharduten langile guztien erantzukizun eta konpromiso gisa ezartzen du. Hori gauzatzeko politika honako irizpide hauen arabera arautzen da:

  • Baliabide digitalen biltegiratzea arreta eta zaintza handiz egitea.

  • Preserbazio-estrategiak erabiltzea, hala nola berritzea, migrazioa, teknologiaren preserbazioa eta arkeologia digitala, eta horien eraginkortasuna egiaztatzeko ebaluazio egokiak egitea.