BAT aldizkarian artikuluak argitaratzeko eskaerarekin batera, mesedez, ziurtatu honako irizpideak betetzen dituela:

ARTIKULUAREN GAIAK

• Euskal soziolinguistikaren esparruko ikerketa-lanak
• Euskararen biziberritze-prozesura hurbiltzen diren beste diziplinetako ikerketa-lanak (antropologia, psikologia, komunikazioa e.a.)
• Euskararen normalizazioa eta hizkuntza-plangintza
• Euskal soziolinguistika saileko saiakerak
• Nazioarteko soziolinguistikaren arloko ikerketak

HIZKUNTZA

• Artikuluak euskaraz argitaratuko dira, eta horrela bidaltzea eskatuko da.
• Artikuluaren laburpena eta hitz gakoak euskaraz eta ingelesez argitaratuko dira. Egileak aukera izango du atal horietako ingeleseko itzulpenak igortzeko; gainerakoan editore-taldea arduratuko da eginkizun horretaz.

ZUZENKETA

• Euskara batuaren arauen araberako zuzenketa ortografikoa errespetatuz (Xuxen zuzentzaile ortografikoa erabiltzea gomendatzen da).

LUZERA

·        25.000-40.000 karaktere bitartekoa, zuriuneak barne.

EGITURA

• Izenburu-orria:
  • Artikuluaren egile guztien informazioa: izena eta bi abizenak, afiliazioa(k) eta helbide elektronikoa(k)
  • Laburpena: gehienez 1000 karaktere.
  • Hitz-gakoak: 4-5 hitz.
• Testu nagusia (azpi-atalak eta izenburuak adierazi):
  • Sarrera
  • Marko teorikoa edota testuingurua
  • Metodologia
  • Emaitzak
  • Ondorioak
• Eskertzak (Beharrezkoa bada)
• Bibliografia
• Eranskinak (Beharrezkoa bada)

ESTILOA

• Letra tipoa: Testua 1,5 lerroartearekin; testu-gorputza 12 puntukoa eta letra-tipoa, Arial, Times New Roman, Calibri…

ILUSTRAZIOAK

• Lerro eta zutabeetan ematen den informazioa TAULA bezala emanda.
• TAULAK, IRUDIAK eta GRAFIKOAK zuri-beltzekoak.
• TAULAK, IRUDIAK eta GRAFIKOAK izendatuta eta kronologikoki
• Kasu guztietan iturria adierazita.
• Irudien kasuan jpg edo tankerako formatuan.
• Grafikoen kasuan jatorrizko formatua ere bidali (Excel…)

OIN-OHARRAK

• Ohar bakoitza oin-ohar gisa gehitu, 10 puntuko testua osatuz.

ESTILOA: ERREFERENTZIA, AIPUAK ETA BIBLIOGRAFIA

Chicago 17. Egilea-Urtea estilo-liburuaren edizioko ereduari jarraituko zaio

TESTUKO AIPUAK

•  Aipu laburra denean: testuan bertan komatxo artean, eta egilearen erreferentzia parentesi artean.
  o … lehenago aipatu izan dugun moduan, “Gazteen hizkuntza-konpetentzia hobetzeko eta legez markatuta dauden helburuetara iristeko, ezinbestekoa izango da erabilera bultzatzea, irakaskuntza-sistemaren barruan nahiz kanpoan” (Amonarriz 2019, 79).
•  Aipu luzea denean, hots, lau lerro edo 100 hitz baino gehiago direnean: aparteko paragrafoan, sangriarekin eta komatxorik gabe; puntuazioaren ondoren, egilearen erreferentzia parentesi artean.

Munduko hizkuntza komunitatetako eragile zenbaitekin esperientzia-truketan ari garenean, euskararen ahalegin-aro moderno honetako bost lerro azpimarratzen ditugu, beste alor batzuk gutxietsi gabe, lehen eskema sinple moduan: corpusa, hezkuntza, hedabideak, kultur sorkuntza eta familia transmisioa. (Sarasua 2013, 311)

EGILEAREN ERREFERENTZIAK

• Egile bakarra denean: parentesi artean, egilearen abizena eta argitalpen-urtea, bien arteko komarik gabe —aipu literala bada, urtearen ondoren koma eta orrialde-zenbakia—: (Zubiaga 2012, 12).
• Bi edo hiru egile direnean: parentesi artean, egileen abizenak komaz bereizita; azken egilearen aurretik eta komaren ordez. Ondoren, argitaratze-urtea bien arteko komarik gabe —aipu literala denean, urtearen ondoren koma eta orrialde-zenbakia(k)—: (Suay eta Sanginés 2010, 25-26).
• Hiru egiletik gora direnean: parentesi artean, lehen egilearen abizena eta et al letra arruntez —aipu literala denean, urtearen ondoren koma eta orrialde-zenbakia(k)—: (Martí et al. 2005, 43).

ERREFERENTZIAK (AIPATURIKO OBRAK)

• Erreferentzia bibliografiko sarrera guztiak espazio bikoitzarekin bereiziko dira.
• Erreferentzia bibliografiko sarrerak espazio sinplean eta alderantzizko koskarekin (koska frantsesa) idatziko dira.
• Liburuaren egilea bakarra denean: egilearen abizena(k) eta izen osoa. Argitaratze-urtea. Liburuaren izenburua. Argitalpen hiria: argitaletxea.

Esteban, Mari-Luz. 2017. Feminismoa eta politikaren eraldaketak. Zarautz: Susa-Lisipe.

• Liburuaren egileak hainbat direnean: lehen egilearen abizena(k) eta izen osoa, ondorengo egileak izena eta abizenen ordenan. Egileak komaz bereizita, baina azken egilearen aurrean eta komaren ordez. Argitaratze-urtea. Liburuaren izenburua. Argitalpen hiria: argitaletxea.

Altuna, Olatz eta Asier Basurto. 2013. Hizkuntza erabilera behaketa bidez neurtzeko gida metodologikoa. Vitoria-Gasteiz: Eusko Jaurlaritzaren Argitalpen Zerbitzu Nagusia.

• Liburu kolektibo baten kapitulua denean: egilearen abizena(k) eta izen osoa. Argitaratze-urtea. “Kapituluaren izenburua”. In liburuaren izenburua, argitalpenaren arduraduna(k), kapituluaren orrialde-zenbakiak. Argitalpen hiria: argitaletxea.

Casenave, Jon eta Argia Oltzomendi. 2021. “Euskara oinarri eta ardatz Iparraldeko euskarako irakaslegaien formakuntzan: diagnostiko baten lehen urratsak”. In Euskara oinarri eta eleaniztasuna helburu. Hizkuntzen garapena eta erabilera aztergai, Leire Diaz-de-Gereñu, Ibon Manterola eta Ines M. Garcia-Azkoaga argitaratzaileak, 223-235. Bilbao: Euskal Herriko Unibertsitatea.

• Artikuluak paperezko aldizkarian: egilearen abizena(k) eta izen osoa. Argitaratze-urtea. “Artikuluaren izenburua”. Aldizkariaren izena, bolumena, zenbakia: orrialde-zenbakiak.

Zalbide, Mikel. 2015. “XX. mendeko hizkuntza-plangintza, Sabino Aranaren 1901eko saioaren argitan”. Hermes 50: 10-29.

• Artikuluak aldizkari elektronikoan: egilearen abizena(k) eta izen osoa. Argitaratze-urtea. “Artikuluaren izenburua”. Aldizkariaren izena, bolumena, zenbakia: orrialde-zenbakiak. Azken-kontsulta data (ez da ezinbestekoa). DOI zenbakia edo URL-a —(DOI-a lehentasunez)—.

Hernández García, Jone Miren eta Marta Luxán Serrano. 2024. “Hiztunaren genero nahasmendua. Hizkuntza gutxituak, euskara eta generizazio prozesuak”. BAT Soziolinguistika Aldizkaria 130: 79-105. DOI: 10.55714/BAT-130.3

HIZKUNTZA EGOKIA

• Ez da onartuko idazkera diskriminatzailerik. Ezin da kontzeptu sexistarik edota arrazistarik erabili.